Гешталт терапија

 

Гешталт е германски збор и означува облик, конфигурација, целовитост, повеќе од прост збир на елементи кои ја сочинуваат.

Она што е важно е овде и сега, минатото постои како сеќавање, носталгија, лутина, легенда или историја. Иднината постои како предвидување, планирање, очекување, надеж или безнадежност. Гешталт терапија работи со она што е очигледно, моментално достапно на свеста на клиентот или терапевтот и може да биде соопштено во актуелната комуникација.

Целта е да се оствари слободно формирање на гешталт во кој што она што е најважно за организмот, односот, групата или заедницата станува гешталт, фигура која  се доживува целосно, се запознава, преработува, менува, изложува на начин да се стопи со позадината (се заборава или асимилира и интегрира) и се ослободува начин за нов релевантен гешталт. Секој фиксиран гешталт со тек на времето станува пречка, како што се инхибиции, комплекси и отпори.  Фиксацијата не е во минатото, таа е овде и сега во мускулната напнатост, навиките и автомстските однесувања, како и социјалните ставови.

Контактот е феномен кој се одвива на границата на организмот и неговата околина. Тој е сознание и справување со она што е не-Јас, друго и различно. Границата на која се среќаваат Јас и другото  претставува локус его финкција на идентификација и отуѓување, област на возбуда, интерес, љубопитност, страв и непријателство. Прекин на контактот води кон нездрави облици на функционирање. Контактот овозможува развој на личноста  преку размена со околината, задоволување на потребите и оргазмичка саморегулација.

 

Теориска основа

Теориската основа се состои од однос меѓу поле, дијалог и феноменологија.

Поле – меѓусебно поврзан историски и континуиран систем кој е во постојано движење. Според Robert Resnick секој дел од полето на кој сме усмерени е дел од поголемо поле (поле во поле). Ние истовремено егзистираме во различни контексти кои меѓусебно се преклопуваат или постоја паралелно еден со друг.

Дијалог – Јас и Ти процес, контакт/повлекување. Во секојдневната употреба означува обичен разговор. Во текот на сеансата терапевтот ќе му овозможи на клиентот да ја продлабочи својата свесност и да воспостави контакт со друга личност.

Феноменологија – тежнее кон разбирање на она што е очигледно или откриено со самата ситуација, а не на интерпретација на набљудувачот. Феноменолошкиот став значи да се исклучат и остават  на страна сите однапред створени идеи.

Гешталт терапија

Терапијата не е усмерена на содржината и проблем, поради кој клиентот доаѓа на терапија, туку на процесите преку кои ја одржува својата конфузност, конфликти, депресивност или анксиозност. Терапевтот обрнува внимание на начинот на изразување, гестови и говор на тело. Решението на проблемот, односно затворање на гешталтот не може да се оствари преку разговор за прблемот, туку неопходно е клинетот да го доживее, почувствува, искаже или направи нешто поинакво со кое ќе ја заврши таа незавршена работа, ќе го затвори гешталтот, а тоа значи решавање на прблемот и ослободување од напнатост и незадоволство.

 

Превод од: M.Kostić, Geštalt terpaija во Psihoterapija, Beograd 2006, 371-390.

*Илустрација превземена од: https://www.google.com/url?sa=i&url=https%3A%2F%2Fuxdesign.cc%2Fux-psychology-go-hand-in-hand-how-gestalt-theory-appears-in-ux-design18b727343da8&psig=AOvVaw1jaweN8dwcLMYuT0zuk8T6&ust=1590746564358000&source=images&cd=vfe&ved=0CAIQjRxqFwoTCMiy8P2m1ukCFQAAAAAdAAAAABAD