Колку си среќен?

Слободно земете лист и пенкало и запишете.

Ако Ви е полесно запишувајте област по област, дел по дел, коцка по коцка од својот живот и многу бргу ќе видите дека сепак постојат работи кои ве прават среќни.

А, што е среќа?

Чувство кое доаѓа по остварување на некој значајна цел за нас. Слично е со задоволство, но е појако, па го доживуваме како некој негов афект. Среќни сме кога ни се исполнува некоја многу голема желба или кога остваруваме некоја многу важна цел. Среќата е состојба која трае се додека не се појави друга желба или не поставиме нова цел.

Со ова сознание логично е дека не постои трајна среќа. Тоа би значело дека сите наши желби или цели се остварени. Во тој случај би немале двигател и можеби би се нашле на другиот квантум – досадата.

Среќата е динамична, таа зависи од надворешните околности, таа е подложна на промени.

Затоа, понекогаш помислуваме и сфаќаме дека она што некогаш не правеше среќни, веќе не успева во тоа.

А тоа е така бидејќи сме се промениле, се околу нас се променило и се менува секој ден, ни се менуваат желбите и потребите и доколку не ги следиме и не се трудиме да ги исполниме, за жал стануваме несреќни.

При тоа, важно е да разбереме дека среќата е емоција која ни покажува дека сме на добар пат. Дека правилно одговараме не промените, во согласност со нашите потреби.

Среќата ни покажува дека сме во склад со себе си и околината.

Заради тоа е многу штетно кога сакаме присилно да се доведеме во среќна состојба.

Како?

Употребувајќи психотропни супстанци, тежнејќи кон еуфорија или очекувајќи деругите да не направат среќни, ние се оддалечуваме од нашите потреби, ги потиснуваме, избегнуваме одговорност и се оддалечуваме од себеси.

На тој начин стануваме се понесреќни.

Така да, време е да го видиме процентот и да се запрашаме уште колку може да го зголемиме?

Бројката ќе ни покаже каде сакаме да бидеме, но и ќе ни помогне да се запрашаме кој дел од себе го занемаривме.

*Фотографија превземена од: https://medium.com/@joshuashawnmichaelhehe/what-is-happiness-c68562220300

Comments

ПСИХОЛОШКА БЕЗБЕДНОСТ – топ фактор за успешен тим

Пред десетина години Google започна истражување со цел да дојде до одговор на прашањето „ Што е тоа што го прави тимот успешен ?“. Проектот доби име Аристотел, а резултатите направија пресврт во совеременото сфаќање на организациската култура. Истражувањето кое траеше повеќе од 2 години, анализираше повеќе од 250 различни атрибути и спроведе повеќе од 200 интервјуа in vivo. Самото истражување се одвиваше во реални услови, преку набљудување на вработените и тимовите на лице место. Анализирани се стилови на управување, KPI по вработени, цели, буџети, бонуси, фокус, меѓусебна комуникација, организација, флексибилност и многу други хипотетички фактори кои влијаат на ефикасноста на тимот. Она што добија како резултат се 5 фактори кои се заеднички за сите успешни тимови. На прво место е ПСИХОЛОШКАТА БЕЗБЕДНОСТ која ја чувстввуваат членовите на тимот. Размислувајќи за овој фактор, се прашувам на кој начин овој резултат направи пресвртница во организациската култура, ако тр...

Емотивна освестеност

Препушти им се на своите емоции. Кога се обидуваш да се ослободиш од нив тогаш те преплавуваат. Како да се препуштам? ⭐️Добра техника е мајндфулнес или свесност за емоциите. Како изгледа во пракса? 📍Освести се дека избегнуваш да чувствуваш и да се препуштиш на емоциите 📍Освести што размислуваш и како реагира телото кога некоја емоција се јавува и што правиш тогаш, како се однесуваш? 📍На пример: Тага. Во телото: притисок во очите, срцето ми чука забавено, нешто ме стега во стомакот. Помислувам: Никој не ме сака, никому не сум важен, сам/а сум, никогаш нема да биде подобро. Што правам: се изолирам, плачам, барам поддршка, ми треба прегратка. 📍Како што се развива емоцијата, следи што е тоа што ја засилува или ослабнува. Која мисла, кое однесување го менува нејзиниот интензитет? 📍Емоцијата ослабнува. Која мисла, кое однесување доведе до тоа? Како е сега во телото? 📍Води дневник за овие забележувања и набргу ќе знаеш што предизвикува некоја емоција, како твоето тело реагира на та...

Тиранија на среќата

📍Потврдена гаранција во нашиот живот е дека нема гаранција за трајна среќа. 📍Здрави сме се додека не се разболиме, вљубени сме се додека не престанеме да сакаме, уживаме во работата се додека не ни здосади… Едноставно не постои извесност и предвидливост. 📍Културниот притисок да се биде само и исклучиво среќен, пласиран преку мантрите “ослободи се од негативните емоции”, “најважно е да си среќен/на”, “биди најдобра верзија од себе” и прекумерниот фокус на среќата, всушност ја ограничува нашата ментална флексибилност. Освен што не лишува од емотивни доживувања, преживувања и длабок допир со себе, во исто време го зголемува чувството на вина, тага или неадекватност кога идеалот за среќа не можеме (нормално и оправдано) да го оствариме. 🔸Лесно може да се запрашаме: 📍Сите се среќни, зошто јас не сум? 📍Што не е во ред со мене? 📍Што е тоа што правам погрешно? 🔸Се отвара кругот на непријатните емоции од кои упорно бегаме барајќи ја среќата. Илустрација

ПсихоСвет

Search This Blog